ସମୁଦ୍ର ପଥ ଦ୍ବାରା ପହଞ୍ଚା ଯାଇଥାଏ ଆପଣଙ୍କ ପାଖରେ ଇଣ୍ଟରନେଟ୍ ସେବା !

ଆଧୁନିକ ଯୁଗରେ ଇଣ୍ଟରନେଟ ପ୍ରତ୍ୟେକ ମନୁଷ୍ୟ ପାଇଁ ଅପରିହାର୍ଯ୍ୟ ହୋଇ ଯାଇଛି | ଇଣ୍ଟରନେଟ୍ ବିନା ମନୁଷ୍ୟ ନିଜର ଦୈନଦିନ ସାଧାରଣ ଜୀବନ ମଧ୍ୟ କଳ୍ପନା କରି ପାରୁ ନାହିଁ | ଦିନକୁ ଦିନ ତ ପୁଣି ଏହାର ବ୍ୟବହାରକାରୀଙ୍କ ସଂଖ୍ୟା ଦ୍ରୁତ ଗତିରେ ବଢି ଚାଲିଛି | ମନୋରଞନ, ପାଠ ପଢା,ଗବେଷଣା,ଯୋଗାଯୋଗ,ଆମୋଦପ୍ରମୋଦ, ଦେଶ-ବିଦେଶର ଖବର ଜାଣିବା ଆଦି ଅନେକ କାମ  ଇଣ୍ଟରନେଟ ଯୋଗେ ନିମିଷକ ମଧ୍ୟରେ ଓ ସୂଚାରୁ ରୂପେ ହୋଇ ପାରୁଛି | ସେ ଯାହା ବି ହେଉ  କିନ୍ତୁ ଆପଣ କ’ଣ କେବେ ଭାବିଛନ୍ତି କି ଏହି ଇଣ୍ଟରନେଟ୍ ସେବା ଆପଣଙ୍କ ନୁକଟରେ କିପରି ପହଞ୍ଚା ଯାଇ ଥାଏ ?
ଆପଣ ହୁଏତ ଜାଣି ଆଶ୍ଚର୍ଯ୍ୟ ହେବେ ଯେ, ସମୁଦ୍ର ରାସ୍ତାରେ ଆପଣଙ୍କ ଯାଏ ଇଣ୍ଟରନେଟ୍ ପହଞ୍ଚା ଯାଇଥାଏ | ଆସନ୍ତୁ ଜାଣିବା ଇଣ୍ଟରନେଟ ସେବା ପାଇଁ ମହାସାଗରରେ ବିଛା ଯାଇଥିବା ଲମ୍ବା କେବୁଲ୍ ଲାଇନ୍ ବିଷୟରେ | ଇଣ୍ଟରନେଟ୍ କୁ ଆଧୁନିକ ମାନବ ଇତିହାସ ସବୁଠାରୁ ବଡ ଆବିଷ୍କାର କହିବା ମଧ୍ୟ ଅତ୍ୟୁକ୍ତି ହେବ ନାହିଁ । ଆଜି ସମଗ୍ର ବିଶ୍ବ ଇଣ୍ଟରନେଟ୍ ର ହାତ ମୁଠିରେ ରହିଛି । ଆଜି ଇଣ୍ଟରନେଟ ପାଇଁ ଏହି ବିଶାଳ ଦୁନିଆ ବି କ୍ଷୁଦ୍ର ମନେ ହୁଏ | ଆଖି ପିଛୁଳାକେ ଗୋଟିଏ ମାତ୍ର କ୍ଲିକ୍ ବା ଡାଏଲ୍ ରେ ମନୁଷ୍ୟ ସମଗ୍ର ବିଶ୍ବ ସହ ସମ୍ବନ୍ଧ ସ୍ଥାପନ କରିବାରେ ସମର୍ଥ ହୋଇଛି କେବଳ ଏହି ଇଣ୍ଟରନେଟ ପାଇଁ | ଆପଣଙ୍କ ସ୍ମାର୍ଟ ଫୋନରେ ଏହି ଇଣ୍ଟରନେଟ ସେବା ପହଞ୍ଚାଇବା ପାଇଁ ସମୁଦ୍ର ମଧ୍ୟରେ ବହୁତ ଲମ୍ବା କେବୁଲ୍ ଲାଇନ୍ ବିଛାଯାଇଛି |ଏହି କେବୁଲ୍ ରାସ୍ତାରେ ଆମକୁ ଇଣ୍ଟରନେଟ୍ ପହଞ୍ଚା ଯାଇଥାଏ | ପାଣି ମଧ୍ୟରେ କେବୁଲ ବିଛାଇବା ଗୁଗୁଲ୍ ର ପରିଯୋଜନା ସହ ଯୋଡି ହୋଇଥିବା ଜେନେ ଷ୍ଟେବେଲ୍ କହନ୍ତି କି ବହୁତ ଲୋକଙ୍କୁ ଲାଗିଥାଏ କି ଇଣ୍ଟରନେଟ୍ ବାୟୁମଣ୍ଡଳ ଦ୍ୱାରା ଆମ ପାଖକୁ ପହଞ୍ଚି ଥାଏ । କିନ୍ତୁ ଏହା ଭୁଲ୍ ଅଟେ ଓ ଇଣ୍ଟରନେଟ୍ ଛୋଟ ଛୋଟ କୋଡ୍ ସମୁହ ଦ୍ୱାରା ସମୁଦ୍ରରେ ବିଛା ହୋଇଥିବା କେବୁଲ୍ ଜରିଆରେ ଆମ ପାଖକୁ ପହଞ୍ଚା ଯାଇଥାଏ | ସାରା ବିଶ୍ବର କୋଣ ଅନୁକୋଣରେ ଇଣ୍ଟରନେଟ୍ ସେବା ଉପଲବ୍ଧ କରାଇବା ପାଇଁ ମହାସାଗର ତଳେ ପ୍ରାୟ ୧୨ ଲକ୍ଷ ସାତ ହଜାର କି.ମି ଲମ୍ବା କେବୁଲ୍ ବିଛା ଯାଇଛି ।
ସବୁଠାରୁ ପ୍ରଥମେ ଫ୍ୟାକ୍ଟିରିଜ୍ କେବୁଲ୍ ତାର ଗୁଡିକ ଏକାଠି କରିଥା’ନ୍ତି । କେବୁଲ୍ କୁ କେଉଁଠି ବିଛାଇବାକୁ ହେବ ଏହାକୁ ଧ୍ୟାନରେ ରଖି ତାହାକୁ ପ୍ଲାଷ୍ଟିକ୍ କିମ୍ବା ଷ୍ଟିଲ୍ ର ଖୋଳରେ ରଖାଯାଇ ଥାଏ | ଏହା ପରେ ସମୁଦ୍ରରେ କେବୁଲ୍ ବିଛାଇବାର କାମ ପୁରା ହେବାପରେ ଡାଟା ପ୍ରକାଶ ଗତି ସେହି ତାରଗୁଡିକ ସହ ମାଟିରେ ଥିବା ନେଟୱାର୍କ କିମ୍ବା ସ୍ୟାଟେଲାଇଟ୍ ସହ ସମ୍ପର୍କ କରିଥାଏ |ଏହି ନେଟୱର୍କ କିମ୍ବା ସ୍ୟାଟେଲାଇଟ୍ ସାହାଯ୍ୟରେ ଆମେ ଇଣ୍ଟରନେଟ୍ ବ୍ୟବହାର କରିଥାଉ ।
ଇଣ୍ଟରନେଟ୍ କେବୁଲକୁ ପ୍ରାକୃତିକ ବିପର୍ଯ୍ୟୟ ରୁ ରକ୍ଷା କରିବା ପାଇଁ ପୁରା ବ୍ୟବସ୍ଥା ମଧ୍ୟ କରା ଯାଇଥାଏ |ଏହା ସତ୍ତ୍ୱେ ପାଣିର ଶକ୍ତିଶାଳୀ ଜଳ ସ୍ରୋତ ଓ ଭୁକମ୍ପ ଆଦି ଦ୍ବାରା ଏହି କେବୁଲ୍ କ୍ଷତି ଗ୍ରସ୍ତ ହେବାର ଆଶଙ୍କା ମଧ୍ୟ ରହିଥାଏ । ଆପଣଙ୍କ ସୂଚନା ପାଇଁ ଜଣାଇ ଦେବାକୁ ଚାହିଁବୁ ଯେ ଗୋଟେ କେବୁଲ୍ ପ୍ରାୟ ୨୫ ବର୍ଷ ପର୍ଯ୍ୟନ୍ତ କାମ କରିଥାଏ ।
ପରବର୍ତ୍ତୀ ଅପଡେଟ୍ ପାଇଁ ଆମ ପୋର୍ଟାଲ୍ ସମ୍ପର୍କରେ ରହି ଥା’ନ୍ତୁ |