ବାଲେଶ୍ୱର ଜିଲ୍ଲାର ପର୍ଯ୍ୟଟନ ସ୍ଥଳ


875
A tourist destination in Baleshwar district
A tourist destination in Baleshwar district

ପୂର୍ବ ପୋଷ୍ଟରେ ଆମେ ଆପଣଙ୍କୁ ବାଲେଶ୍ବର ଜିଲ୍ଲାର କେତେକ ଆକର୍ଷଣୀୟ ପର୍ଯ୍ୟଟନୀ ସ୍ଥଳ ବିଷୟରେ ସୂଚନା ଦେଇଛୁ | ଏବେ ପୁଣି ଏହି ଜିଲ୍ଲାର ନିମ୍ନ କେତୋଟି ମୁଖ୍ୟ ମନୋରମ ସ୍ଥାନ ବିଷୟରେ ଆମେ ଆପଣଙ୍କୁ ସୂଚନା ଦେବାକୁ ଚାହିଁବୁ | 
•କ୍ଷୀରଚୋରା ଗୋପୀନାଥ: ବାଲେଶ୍ବର ସହରର ପୂର୍ବକୁ ପ୍ରାୟ ୯କି.ମି. ଦୂରରେ ରେମୁଣା ଠାରେ କ୍ଷୀରଚୋରା ଗୋପୀନାଥ ଦୈବ ପୀଠ ଅବସ୍ଥିତ | ଏହି ବିଷ୍ଣୁ ମନ୍ଦିରରେ ମଦନମୋହନ, ଶ୍ରୀ ଗୋବିନ୍ଦ, ରାଧାରାସବିହାରୀ,ଚୈତନ୍ୟ ମହାପ୍ରଭୁ ଏବଂ ଜଗନ୍ନାଥଙ୍କ ମୂର୍ତ୍ତି ମଧ୍ୟ ପୂଜା ପାଉଛନ୍ତି | ଏହା ବ୍ୟତୀତ ପର୍ଯ୍ୟଟକ ମାନେ ମନ୍ଦିରର ଅନ୍ୟ ଏକ ପାର୍ଶ୍ବରେ ଶାଳଗ୍ରାମ ପୂଜା ପାଉଥିବାର ମଧ୍ୟ ଦେଖିବାକୁ ପାଇବେ | କିମ୍ବଦନ୍ତୀ କହେ ଯେ ପ୍ରାୟ ୫୦୦ ବର୍ଷ ପୂର୍ବେ ମାଧବେନ୍ଦ୍ର ନାମକ ବ୍ୟକ୍ତି ପୁରୀ ରାସ୍ତା ଦେଇ ରେମୁଣାରେ ପହଞ୍ଚିଥିଲେ | ସେଠାରେ ମାଧବେନ୍ଦ୍ର ଦେଖିବାକୁ ପାଇଲେ ଯେ ଗୋପୀନାଥଙ୍କୁ କ୍ଷୀର ଅର୍ପଣ କରାଯାଉଛି | ସେ ମଧ୍ୟ ଶ୍ରୀଗୋପାଳଙ୍କୁ କ୍ଷୀର ଅର୍ପଣ କରିବାକୁ ଚାହୁଁ ଥିଲେ | ଏପରି ବିଶ୍ବାସ କରାଯାଏ ଯେ ମାଧବେନ୍ଦ୍ରଙ୍କୁ କ୍ଷୀର ଦେବା ପାଇଁ ଭଗବାନ ଗୋପୀନାଥ ପୂଜକଙ୍କୁ ସ୍ବପ୍ନାଦେଶ କରିଥିଲେ | ଏହି କାରଣରୁ ପରବର୍ତ୍ତୀ ସମୟରେ ଗୋପୀନାଥଙ୍କ ନାମ କ୍ଷୀରଚୋରା ଗୋପୀନାଥ ହୋଇ ଗଲା | ବାଲାଶ୍ବରର ଏହି ବିଷ୍ଣୁ ମନ୍ଦିରକୁ ବର୍ଷସାରା ବହୁ ପର୍ଯ୍ୟଟକ ଦର୍ଶନ କରିବା ପାଇଁ ଆସନ୍ତି  |  •ଚାନ୍ଦବାଲି: ସପରିବାର ଭ୍ରମଣ କରି ଯିବା ପାଇଁ ଚାନ୍ଦବାଲି ବେଳାଭୂମି ବେଶ୍ ଉପଯୁକ୍ତ ଓ ଅକ୍ଟୋବର ମାସରୁ ପେବୃଆରୀ ମଧ୍ୟରେ ଏହି ସ୍ଥାନ ବୁଲିଯିବା ପାଇଁ ବହୁତ ଭଲ | ମଧ୍ୟଯୁଗୀୟ କାଳରୁ ଏକ ଲୋକପ୍ରିୟ ବନ୍ଦର ଭାବେ ଚାନ୍ଦବାଲିର ନାମ ରହିଛି | ଏହି ସ୍ଥାନ ଠାରୁ ପର୍ଯ୍ୟଟକମାନେ ଧାମରା ଓ ଆରଡିର ପ୍ରସିଦ୍ଧ ଶୈବ ପୀଠକୁ ନୌକା ଯୋଗେ ଯିବା ପାଇଁ ସୁବିଧା ରହିଛି | ପିକନିକ୍ କରିବା ପାଇଁ ଏହା ଏକ ଉପଯୁକ୍ତ ସ୍ଥାନ ଅଟେ |
•ଧାମରା: ବାଲେଶ୍ବର ଜିଲ୍ଲାର ଧାମରା ଠାରେ ଉଭୟ ବ୍ରାହ୍ମଣୀ ଓ ବୈତରଣୀ ନଦୀ ବଙ୍ଗୋପସାଗର ରେ ମିଶିଛନ୍ତି | ଚାନ୍ଦବାଲି ଓ ବାଲେଶ୍ବର ସହର ଠାରୁ ଧାମରା ଯଥାକ୍ରମେ ୪୦ କି.ମି. ଓ ୧୬୦ କି.ମି. ଦୂର ଅଟେ | ମୋଟର ଲଞ୍ଚ ଓ ଡଙ୍ଗା ସାହାଯ୍ୟରେ ଏହି ସ୍ଥାନରେ ପହଞ୍ଚିବା ପାଇଁ ସୁବିଧା ରହିଛି |
•ତାଳସରି: ତାଳସରି ବାଲେଶ୍ବର ସହର ଠାରୁ ୮୮ କି.ମି, ଦୀଘା ଠାରୁ ୮କି.ମି ଓ ଚନ୍ଦନେଶ୍ବର ଠାରୁ ୩କି.ମି ଦୂର ଅଟେ | ଏଠାରେ ସୁବର୍ଣରେଖା ନଦୀ ବଙ୍ଗୋପସାଗର ସହ ମିଶିଛି ଓ ଏକ ଦ୍ବୀପ ସଦୃଶ ଅଞ୍ଚଳ ସୃଷ୍ଟି କରିଛି |ଏଠାକାର ଉଚ୍ଚ ତରଙ୍ଗପୂର୍ଣ ସମୁଦ୍ର ତଟ ମାଛ ଧରିବା ପାଇଁ ବେଶ୍ ଲୋକପ୍ରିୟ |
•କାଶଫଳ: ବାଲେଶ୍ବର ଜିଲ୍ଲାର କାଶଫଳ ସମୁଦ୍ର ତଟର ବିସ୍ତୃତ ବେଳାଭୂମିର ଶୀତଳ ବାତାବରଣରେ ବୁଲିବା ବହୁତ ଆନନ୍ଦଦାୟକ | ଏଠାରେ ଆପଣ ନାଲି କଙ୍କଡା ମଧ୍ୟ ଦେଖିବାକୁ ପାଇବେ | ଏହି ସମୁଦ୍ର ତଟ ଦିନରେ ଦୁଇଥର ଅଦୃଶ୍ୟ ହୋଇ ଯାଉଥିବା ପାଇଁ ବେଶ୍ ପ୍ରସିଦ୍ଧ | ଏହି ବେଳାଭୂମି ବାଲେଶ୍ବର ସହର ଠାରୁ ପ୍ରାୟ ୫୨ କି.ମି. ଦୂର ଅଟେ |
•ଆରଡି: ବାଲେଶ୍ବର ଜିଲ୍ଲାର ଆରଡି ଶୈବ ପୀଠ ଓଡିଶାର ଗଙ୍ଗା ନାମରେ ପରିଚିତ ବୈତରଣୀ ନଦୀ ତଟରେ ଅବସ୍ଥିତ | ଭଦ୍ରକ ଓ ବାଲେଶ୍ବର ସହର ଠାରୁ ଆରଡି ଯଥାକ୍ରମେ ୫୨ କି.ମି. ଓ ୧୧୦ କି.ମି. ଦୂର ଅଟେ | ନୌକା ଯୋଗେ ଚାନ୍ଦବାଲି ଠାରୁ ଏହି ପବିତ୍ର ଶୈବ ପୀଠରେ ମଧ୍ୟ ସୁବିଧାରେ ପହଞ୍ଚିବାର ବ୍ୟବସ୍ଥା ରହିଛି | ଏଠାରେ ପ୍ରଭୁ ଆଖଣ୍ଡଳମଣି ପୂଜା ପାଉଛନ୍ତି ଓ ପ୍ରତିଦିନ ହଜାର ହଜାର ଶ୍ରଦ୍ଧାଳୁ ଭକ୍ତଙ୍କର ଏହି ସ୍ଥାନରେ ସମାଗମ ହୋଇଥାଏ | ମହାଶିବ ରାତ୍ରିରେ ଆରଡି ଶୈବ ପୀଠରେ ଭକ୍ତମାନଙ୍କର ବହୁତ ଭିଡ ଜମେ | 
•ରାଇବଣିଆ: ଏୈତିହାସିକ ମହତ୍ବସମ୍ପର୍ଣ ରାଇବଣିଆ ବାଲେଶ୍ବର ଠାରୁ ୭୫ କି.ମି. ଦୂର ଅଟେ | “ଆଇନ୍-ଇ-ଆକବରୀ” ପୁସ୍ତକରେ ରାଇବଣିଆ ସ୍ଥାନର ଉଲ୍ଲେଖ ରହିଛି | ଏହି ସ୍ଥାନରେ ଥିବା ଧ୍ବଂସ ଓ ନଷ୍ଟ ହୋଇ ଯାଇଥିବା ପ୍ରାଚୀନ କୀଲା ଏବଂ ଜୟଚଣ୍ଡି ନାମକ ପ୍ରାକୃତିକ ଜଙ୍ଗଲ ପର୍ଯ୍ୟଟକଙ୍କ ପାଇଁ ମୁଖ୍ୟ ଆକର୍ଷଣ | ପିକନିକର ମଜା ନେବା ପାଇଁ ଏହା ଏତ ସୁନ୍ଦର ସ୍ଥାନ |
•ଚଷାଖଣ୍ଡ: ସମୁଦ୍ର ତଟ ପାଖରେ ତଥା ବଳରାମଗଡ ନଦୀ ସମୁଦ୍ର ସହ ମିଶିଥିବା ସ୍ଥାନରେ ଚଷାଖଣ୍ଡ ଅବସ୍ଥିତ | କ୍ରାନ୍ତିକାରୀ ନାୟକ ତଥା ସ୍ବାଧୀନତା ସଂଗ୍ରାମୀ ଓ ସହିଦ ଦେଶପ୍ରେମୀ ଜତୀନ୍ଦ୍ରନାଥ ମୁଖୋପାଧ୍ୟାୟଙ୍କର ବିଶ୍ରାମ ଓ ସହିଦ ସ୍ଥଳ ଭାବେ ଚଷାଖଣ୍ଡ ମଧ୍ୟ ବେଶ୍ ଲୋକପ୍ରିୟ ଓ ସ୍ମରଣୀୟ | ଏହି ସ୍ଥାନ ଭ୍ରମଣ କରିବା ପାଇଁ ଓ ଏଠାରେ ମାଛ ଧରିବାର ଦୃଶ୍ୟ ଉପଭୋଗ କରିବା ପାଇଁ ବହୁତ ଭଲ |
•ଚନ୍ଦନେଶ୍ବର:   ପ୍ରଭୁ ଚନ୍ଦନେଶ୍ବରଙ୍କ ପାଇଁ ବାଲେଶ୍ବର ଜିଲ୍ଲାର ପବିତ୍ର ଚନ୍ଦନେଶ୍ବର ପୀଠ ବେଶ୍ ଲୋକପ୍ରିୟ | ପ୍ରତିଦିନ ଏଠାକୁ ଓଡିଶାର କୋଣ ଅନୁକୋଣରୁ ବହୁ ଭକ୍ତ ଆସି ଥା’ନ୍ତି ଓ ନୀଳପର୍ବ ନାମକ ପର୍ବରେ ଏଠାରେ ହଜାର ହଜାର ଶ୍ରଦ୍ଧାଳୁ ଭକ୍ତଙ୍କର ସମାଗମ ହୋଇଥାଏ |
ଆଶା କରୁଛୁ ବାଲେଶ୍ବର ଜିଲ୍ଲାର ପର୍ଯ୍ୟଟନୀ ସ୍ଥଳକୁ ନେଇ ଆମର ଏହି ଆବଶ୍ୟକୀୟ ସୂଚନାସମ୍ପର୍ଣ ପୋଷ୍ଟ ଆପଣଙ୍କ ପାଇଁ ନିଶ୍ଚୟ ଉପାଦେୟ ହୋଇ ପାରିବ | ପରବର୍ତ୍ତୀ ପର୍ଯ୍ୟାୟରେ ଆମେ ଆପଣଙ୍କୁ ବରଗଡ ଜିଲ୍ଲାର ପର୍ଯ୍ୟଟନୀ ସ୍ଥଳ ଭ୍ରମଣରେ ନେବାକୁ ଚାହିଁବୁ | 


What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
0
love
lol lol
0
lol
omg omg
1
omg
win win
0
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format